კეთილი იყოს თქვენი მობრძანება „ალიანტე 2009“–ში:

ანუ მოგზაურობა ევროპის ცენტრისკენ

მსოფლიომ 2009 წელში შეაბიჯა, რამაც ბევრ სხვა სიახლესთან ერთად უნიკალური რიგით მეცხრე საერთაშორისო კონკურსი ”ალიანტე 2009” მოიტანა. როგორც ბევრი ყოფილი კონკურსანტი იტყოდა, რაღაც არაჩვეულებრივს უნდა ელოდეთ.

ეს იმიტომ, რომ მსოფლიოში არ არსებობს ”ალიანტეს” მსგავსი კონკურსი - თუ გავითვალისწინებთ მის კონცეფციასა და საერთაშორისო მასშტაბს. კონკურსის მიზანია ჩრდილო-ატლანტიკური ალიანსის, უსაფრთხოებისა და საერთაშორისო ურთიერთობების შესახებ ცნობიერების ამაღლება. უფრო მეტიც, მის გამარჯვებულს ყოველთვის ელის არაჩვეულებრივი მოგზაურობა, რომლის მსგავსის მოწყობასაც ვერც ერთი ტურისტული სააგენტო ვერ შეძლებს. მაგრამ ზოგადად ყველა მონაწილე იფართოვებს ცოდნას ზემოთ ნახსენებ სფეროებში, ესაა ნამდვილი პრიზი. ამას გარდა თითოეული მონაწილე იძენს ახალ კონტაქტებს, რაც თავისთავად სასარგებლოა სწავლისა და პროფესიული კარიერისთვის მომავალში.

”ალიანტე 2007”-ის გამარჯვებულებმა ამერიკის შეერთებული შტატების დიდ ნაწილში იმოგზაურეს, წინა წლის გამარჯვებულებმა კი - უმშვენიერეს ნორვეგიაში. წლევანდელი გამარჯვებულები კი იმ ქვეყანას ეწვევიან, სადაც „ალიანტე“ წარმოიშვა, კერძოდ ჩეხეთის რესპუბლიკას და მოინახულებენ სამხედრო ბაზებსა და ისტორიულ ძეგლებს.

ჩეხეთის რესპუბლიკა მხოლოდ პრაღით არ შემოიფარგლება. აქ ნახავთ ელიტარულ სამხედრო დანაყოფებსა, CBRN-დან (Chemical, Biological, Radiological, and Nuclear) დაწყებული გრიპენის გამანადგურებლით დამთავრებული. მთებით გარშემორტყმული ქვეყანა ბუნებრივ სილამაზესთან ერთად კულტურულ და ისტორიულ მემკივიდრეობასაც სთავაზობს მნახველს. და თუ ვინმე თვლის, რომ ეს ბევრი არაფერია, მაშინ ამას დაუმატეთ ოსტრავაში ნატოს დღეებზე დასწრება - ესაა უსაფრთხოების უნიკალური შოუ და ამ სფეროში უდიდესი ღონისძიება ცენტრალურ ევროპაში.

რა თქმა უნდა, იქ მოხვედრა ადვილი არ იქნება. ახალგაზრდებმა რთული ეროვნული და საერთაშორისო კონკურსი უნდა გაიარონ, და დაამტკიცონ თავიანთი ცოდნა და თანამშრომლობის უნარი რთულ პირობებში. როგორც წესი, ჩატარდება ზოგად განათლებაზე დაფუძნებული ორი რაუნდი. საუკეთესო გუნდები საერთაშორისო ფინალში შეეჯიბრებიან ერთმანეთს ფიზიკურ მომზადებასა და ამტანობაში. წელს ფინალი ლიტვაში ჩატარდება ქალაქ კაუნასის ახლოს მდებარე გენერალური დივიზიის Stasys Raštikis NCO სკოლასა და ლიტვის დიდი ჰეტმანის Jonušas Radvila-ს საწვრთნელ პოლკში.

კონკურსი წინა წელთან შედარებით ცოტა უფრო რთული იქნება. ”ალიანტე 2009” განხორციელდება შემდეგ ქვეყნებში: ჩეხეთის რესპუბლიკა, საქართველო, გერმანია, ლიტვა, ლატვია, უნგრეთი, პოლონეთი, რუმინეთი, სლოვაკეთი, დიდი ბრიტანეთი და ამერიკის შეერთებული შტატები. ამას გარდა, ”ალიანტე 2009” კიდევ ერთხელ უმასპინძლებს ცალკე კონკურსს უკრაინაში.

„ალიანტე 2009“–ის მთავარი ორგანიზატორი და საერთაშორისო კოორდინატორია:

ეროვნული პარტნიორების რიცხვში შედიან:

„ალიანტე 2009“ ხორციელდება ჩეხეთის რესპუბლიკის საგარეო საქმეთა სამინისტროს, ლიტვის თავდაცვის სამინისტროს, ჩეხეთის რესპუბლიკის თავდაცვის სამინისტროსა და ნატოს საზოგადოებრივი დიპლომატიის განყოფილების ხელშეწყობით.